Vonandi njótiði vel, munið bara að róleg tónlist þarf aldeilis ekki að vera niðurdrepandi.
Kings of convenience (Norsk)
Hvar væru við án Noregs ? Jú okkur mundi vanta ansi mikið allavega tónlistarlega séð. Kings of convenience, Royksopp, Data rock, Whitest boy alive og fleiri og fleiri. Langt síðan ég kynntist Kings of Convenience. Ég tek svo alltaf svona back to the future æðisköst og byrja að hlusta á sum bönd aftur önnur ekki. Allavega þá ákvað ég um daginn að fara aftur að hlusta á K.O.C sem ég sé barasta alls ekkert eftir. Þeir minna örlítið á Simon og Garfunkel og smá stundum á Belle and Sebastian finnst mér allavega. Þeir radda mjög mikið sem er bara ennþá skemmtilegra og tvöföld ánægja.
Ég á plötuna sem kom út 2004 með þeim sem heitir Riot on an empty street. Þegar ég keypti þessa plötu var ég nýflutt til Danmerkur og upphafslag plötunnar, “Homesick” átti mjög vel við þar sem ég var með svakalega heimþrá í fyrstu. Einnig á þessari sömu plötu má finna lag sem heitir “I’d rather dance with you”. Það lag er tær snilld og mæli ég eindregið með því að fólk kíki á vídjóið við lagið á youtube.
Síðast heyrði ég nýtt lag með þeim sem mér finnst svo mikið good feeling lag að það er bara ekkert eðlilegt. Ég hef mikið gaman af því og vil því endilega benda fólki á að athuga með það lag á Myspace síðunni þeirra það heitir “I don’t know what I can save you from” Þetta lag er með elektrónísku ívafi en samt allt mjög létt.
Upp fyrir Kings of Convenience ó já !
Ég heiti María Hjálmarsdóttir ég er 25 ára og brjáluð í tónlist